పవిత్రమైన వివాహములో అపవిత్రమైన ఆచారం

వరకట్నం అనగా నేమి ?

వివాహ విషయములో పెళ్లికుమారుని
కుటుంబానికి, పెళ్లి కుమార్తెతో పాటుగా
ఆమె  కుటుంబీకులు ఇచ్చే డబ్బు,
వస్తు సంపదలను వరకట్నముగా

నిర్వచిస్తారు.

వివాహ శుభ  ఘడియకు ముందు
ఈ కట్న కానుకల

సంప్రదింపులు చాలా ముఖ్యమైనవిగా

పరిగణించబడుతాయి.

భారతదేశములో మొట్టమొదటిగా ఈ
ఆచారము ఎప్పుడు మొదలైందో
చెప్పడం కష్టమే.

ఆ రోజుల్లో ఆడపిల్ల తండ్రి తన ఆస్తిలో
కొంతభాగం బాధ్యతగా, కాబోయే
పెళ్ళికూతురికి ఇచ్చేవాడు.

తన కూతురు కొత్త ఇంటికి వెళ్తుందనే
ఆలోచనతో ఆమెకు సహాయంగా
డబ్బు, వస్తు సంపదను

ఇష్టపూర్వకంగా ఇచ్చేవారు.

కాలానుగుణంగా ఈ ఆచారము

ఇష్టపూర్వకమైన కానుక నుండి
దురాశతో నిండిపోయి

డిమాండ్ చేసే స్థాయికి దిగజారిపోయింది.

సమాజమును పట్టి పీడిస్తున్న సామాజిక
దురాచారమైన వరకట్న వ్యవస్థను
క్రైస్తవులు కూడా పాటించడం

చాలా  బాధాకరం.

కొందరు వరకట్నపు మూలాలను మరియు
చరిత్రను ఎరుగకుండా, మరికొందరు
డబ్బు మీద ఆశతో

ఈ దురాచారాన్ని పాటిస్తున్నారు.

క్రైస్తవ జీవితమునకు పునాదియైన
బైబిల్ గ్రంథము దీనిని గూర్చి
ఏమి  బోధిస్తుందో తెలుసుకోవాల్సిన

అవసరతయున్నదని
నమ్మబద్ధులమైయున్నాము.

వరకట్నం వాక్య విరుద్ధం అనడానికి గల
కారణాలు ఈ పుస్తకంలో వివరంగా
చర్చించాము. కొన్ని సంగతులు

క్లుప్తంగా మీ ముందు ఉంచుతాను.

 

1. వివాహం పట్ల దేవునికి గల ఉన్నతమైన ఉద్దేశ్యమును

వరకట్నం చెరిపివేస్తుంది.

దేవుడే వివాహమునకు కర్త మరియు కేంద్రముగా

ఉండాలి కానీ, నేడు ఈ కట్నం పెళ్ళిళ్లకు

ప్రధాన కేంద్రబిందువుగా మారిపోయింది.

వివాహ పత్రికలో పరిశుద్ధ వివాహం అని ముద్రించి,

వెనకాల వరకట్నమనే అపరిశుద్ధ సంప్రదాయమును

చాలా క్రైస్తవులు పాటించడం బాధాకరం.

2.  ఒక అమ్మాయిని వివాహం చేసుకోడానికి ధనమును,

ఆస్తులను షరతుగా పెట్టినట్లయితే అది మనకు

వాటిపై గల దురాశను, వాంఛను తెలియజేస్తుంది.

ధనాపేక్ష సమస్త కీడులకు మూలం ( 1తిమోతి 6:10).

కానీ నేడు ధనమే వివాహాలకు మూలం అన్నట్లుగా

క్రైస్తవులు వరకట్నపు ఆచారమును పోషించడం  దుఃఖకరం.

3. క్రీస్తు సంఘమును ప్రేమించి తనను తాను

అప్పగించుకొన్నట్లుగా,పురుషులు తమ భార్యలను

ప్రేమించవలెనని (ఎఫెసీ 5:25) ఆజ్ఞాపించబడ్డారు.

అనగా తన భాగస్వామి క్షేమాభివృద్ధికై

నిస్వార్థంగా ఇవ్వడమే ప్రేమ కలిగియుండడం.

తాను వివాహం చేసుకోబోయే అమ్మాయికి

ఇచ్చే స్థితిలో ఉండాలి కానీ, అమ్మాయి దగ్గర
గల డబ్బు, వస్తువులను

ఆశించే వ్యక్తిగా ఉండుట సరియైనది కాదు.

ప్రేమను పక్కనబెట్టి వ్యాపార లావాదేవీలతో

వివాహం చేసుకోవడం ఖచ్చితంగా తప్పే.

4. మనుష్యులు మీ సత్క్రియలను చూచి

పరలోకమందున్న మీ తండ్రిని మహిమ పరచునట్లు

వారియెదుట మీ వెలుగు ప్రకాశింపనీయుడి (మత్తయి 5:14-16).

దేవుని ఎరుగని వారు పాటించే ఈ సాంఘిక దురాచారమును

వెలుగు సంబంధులుగా పిలవబడే క్రీస్తు శిష్యులు

అనుసరించడం వలన, లోకస్తులకు ,

క్రైస్తవులకు తేడా లేకుండా పోతుంది.

5. మీ అధికారులకు లోబడియుండుడి అని చెప్పే

దేవుని ఆజ్ఞను వరకట్న ఆచారం అతిక్రమిస్తుంది.

భారత చట్టం ప్రకారం వరకట్నం డిమాండ్ చేయడం,

ఇవ్వడం, పుచ్చుకోవడం నేరం.

చట్టవ్యతిరేక పనులు చేసి దేవుడిచ్చిన ఆజ్ఞను

వ్యతికేరించడం పాపమే.  

భారత ప్రభుత్వం ఒక దురాచారాన్ని రూపు మాపడానికి

చట్టాన్ని తీసుకువచ్చిందంటే అది ఎంత తీవ్రమైన

ఫలితాలకు దారి తీసి ఉంటుందో మనం

ఒకసారి ఆగి ఆలోచించాలి.

ప్రియమైన యవ్వన క్రైస్తవులారా మరియు

క్రైస్తవ తల్లిదండ్రులారా, మీరు ఉప్పుగా,

అనగా లోకము ఎదుట మంచి సాక్ష్యం కలిగియున్నారా ?

కేవలం క్రైస్తవ పనులు అనగా వాక్యం చదవడం,

ప్రార్థన చేయడం, సువార్త చెప్పడం మాత్రమే కాక

సమాజ దురాచారాన్ని ఎదిరించి నిలబడే

క్రీస్తు శిష్యులుగా ఉండాలని ప్రభువు ఆశిస్తున్నాడు.

వరకట్నం యొక్క పరిణామాలు,

వరకట్నమును సమర్థించుకోడానికి సాకులు మరియు

ఈ అంశము పై మరింత సమాచారమునకు

పూర్తి పుస్తకం చదవగలరు.

పుస్తకం యొక్క కాపీల కొరకై,

www.ekklesiabooks.com

మొబైల్ నం : 09581829219