Bodhakudu

 విధేయతను గురించి ఆదికాండము 17:22–27 నుండి కొన్ని ప్రాముఖ్యమైన అంశాలు:  1. నిజమైన విశ్వాసం విధేయతగా ఫలిస్తుంది. అబ్రహాము దేవుని ఆజ్ఞను విన్నాడు, అంగీకరించాడు, వెంటనే ఆచరణలో పెట్టాడు. విశ్వాసం కేవలం మాటల్లోనే కాదు, మన క్రియల్లో కూడా కనిపించాలి. Faith alone saves, but the faith that saves is never alone. 2. విధేయతలో ఆలస్యం చేయకూడదు. దేవుడు అబ్రహాముకు సున్నతి చేయమని ఆజ్ఞాపించినప్పుడు, అతడు తనకు అనుకూలమైన సమయం కోసం ఎదురుచూడలేదు. అదే దినమున తనకు, ఇష్మాయేలుకు, తన ఇంటివారందరికీ సున్నతి చేయించాడు. కీర్తన 119:60లో దావీదు ఇలా అంటున్నాడు: “నీ ఆజ్ఞలను అనుసరించుటకు నేను జాగుచేయక త్వరపడితిని.” దేవుని చిత్తం మనకు స్పష్టంగా తెలిసినప్పుడు, “తర్వ...

“మంచివారికి చెడు ఎందుకు జరుగుతుంది?” ఇది చాలామంది అడిగే ప్రశ్న. అయితే ఈ ప్రశ్నకు ముందు మనం మరో ప్రశ్న అడగాలి: అసలు ఈ లోకంలో మంచివారు ఎవరు? వాక్యం చెప్పేదేమిటంటే, “అందరూ పాపము చేసి దేవుడు అనుగ్రహించే మహిమను పొందలేకపోతున్నారు” (రోమా 3:23). అంటే మనుష్యులందరూ పాపం చేసినవారే. మనం “మంచివారు” అని చెప్పినప్పుడు సాధారణంగా వాళ్లు చేసే మంచి పనులను, వాళ్ల మంచి స్వభావాన్ని చూస్తాం. కానీ దేవుడు మన బయట కనిపించే పనులను మాత్రమే చూడడు; మన హృదయాన్ని చూస్తాడు. హృదయం పాపంతో కలుషితమై ఉంటే, మనం ఎన్ని మంచి పనులు చేసినా అవి దేవుని ఎదుట మనలను నీతిమంతులుగా చేయలేవు. “మన నీతికార్యములన్నియు మురికి వస్త్రములవలె ఉన్నవి” అని వాక్యం చెబుతోంది (యెషయా 64:6). అందుకే “మంచివారికి చెడు ఎందుకు జరుగుతుంది?” అనే ప్రశ్నను ఇంకొంచెం మార్చి అడగాలి: “పాపులమైన మనుష్యులకు దేవుడు ఇంత కృప ఎందుకు చూపిస్తున్నాడు?” నిజానికి మనం దేవుని దగ్గర నుండి పొందాల్సింది న్యాయమైన తీర్పు. కానీ ఆయన మనకు కృపను చూపించాడు. అయితే ఈ లోకంలో నిజంగా మంచివారికి చెడు జరిగింది ఒక్కసారే. అది ప్రభువైన యేసుక్రీస్తు విషయంలో జరిగింది. ఆయన పాపం లేనివాడు. ఆయనలో ఎలాం...

  మార్కు 11:25,26 - మీకు ఒకనిమీద విరోధమేమైనను కలిగియున్న యెడల ,  మీరు నిలువబడి ప్రార్థన చేయునప్పుడెల్లను వాని క్షమించుడి. అప్పుడు పరలోకమందున్న  మీ తండ్రియు మీ పాపములు క్షమించును.   పైన ప్రస్తావించబడిన వచనం స్వయానా ప్రభువైన యేసుక్రీస్తు వారే తన శిష్యులతో చెప్పారు. మీకు ఎవరి మీదనైనా ఏదైనా విరోధ భావన ఉంటే, మీరు నిలబడి ప్రార్థన చేస్తున్నప్పుడు, ఆ వ్యక్తిని క్షమించండి అని ఇక్కడ బోధిస్తున్నారు. విరోధమంటే ,   ఎవరిమీదనైనా కోపం ,  ద్వేషం ,  అసూయ మొదలైనవి అని అర్థం. సాధారణంగా, ఇతరుల మీద కోపం లేదా ద్వేషం ఎందుకుంటాయి ?    ఇతరులు మనల్ని గాయపరిచినప్పుడు లేదా మన అంచనాలకు వ్యతిరేకంగా ప్రవర్తించినప్పుడు వారిపై కోపం కలుగుతుంది ,  అది ద్వేషంగా మారుతుంది. మనకన్నా ఎక్కువగా ఇతరులను దేవుడు దీవించినప్పుడు మనకు అసూయ కలుగుతుంది. అటువంటి పరిస్థితుల్లో మొదటగా వారి కొరకు ప్రార్థన చేయమని ,  రెండవదిగా వారిని క్షమించమని ప్రభువు ఇక్కడ చెబుతున్నాడు. ఇది కష్టమైనదిగా అనిపించొచ్చు కానీ, అసాధ్యం మాత్రం కాదు. ఎందుకంటే ,  ఒకవేళ క్షమించడం అసాధ్యమైతే ప్రభువు క్షమించమని...

  మార్కు సువార్త  9:43–48 లో యేసు ఇలా చెప్పారు:   " నీ చెయ్యి నీకు పాపకారణమైతే దానిని నరికి వేయుము... నీ కాలు నీకు పాపకారణమైతే దానిని నరికి వేయుము...   నీ కన్ను నీకు పాపకారణమైతే దానిని పీకివేయుము..." అంటే ,  నిజంగానే చేతిని నరకమని లేదా కన్నును పీకమని చెప్పడం కాదు. ఎందుకంటే చేతిని నరికినా ,  కన్నును పీకినా   మనిషి హృదయంలో ఉన్న పాప స్వభావం పోదు   ( మార్కు  7:20–23).  యేసు ఇక్కడ   అతిశయోక్తి ( Hyperbole)   అనే బోధనా విధానాన్ని ఉపయోగించారు. ఆయన చెప్పదలచుకున్నది ఏమిటంటే:   " ఏది నిన్ను పాపంలో పడవేస్తుందో ,  దానిని ఎంత కష్టమైనా ,  ఎంత విలువైనదైనా ,  నిర్దాక్షిణ్యంగా విడిచిపెట్టు." " పాపం చేయడానికి శోధన వచ్చినప్పుడు ,  దానికి కారణమైన మూలాన్ని కఠిన నిర్ణయంతో తొలగించాలి." నేటి జీవితంలో దీనిని ఎలా అన్వయించాలి ? ఒక వెబ్‌సైట్ లేదా మొబైల్ యాప్ మిమ్మల్ని పాపం చేసేలా శోధిస్తే దానిని తొలగించండి. ఒక స్నేహితుడు/స్నేహితురాలు నిన్ను దేవునికి దూరం చేస్తుంటే ,  ఆ సంబంధానికి హద్దులు పెట్టండి లేదా విడిచిపెట్టండి. ఒక అలవాట...

మార్కు 3:31-35లో ,  యేసుక్రీస్తు సహోదరులు, ఆయన తల్లియైన మరియ వచ్చారని వారు యేసును వెదకుచున్నారని యేసుతో చెబుతారు. అప్పుడు యేసు, తన చుట్టూ కూర్చున్న వారిని చూచి “ఇదిగో నా తల్లి, నా సహోదరులు. దేవుని చిత్తము చొప్పున జరిగించువాడే నా సహోదరుడు, నా సహోదరియు, నా తల్లి” అని చెప్పాడు.  ఈ మాటలు చదివినపుడు, యేసుక్రీస్తు తన తల్లిదండ్రులను పట్టించుకోవడం లేదని మనకు అనిపించొచ్చు.    అంతేకాదు, ఎవరైనా తనను వెంబడించాలనుకుంటే తన తల్లినైనను, తండ్రినైనను, సహోదరులనైనను, సహోదరీమణులను, తన స్వంత ప్రాణమునైనను విడిచిపెట్టి, తన సిలువనెత్తుకుని వెంబడించకుంటే,వారు నా శిష్యులు కానేరరు (లూకా 14:26,27) అని చెప్పడం కూడా చూస్తాం.  ఈ మాటలు చదివినపుడు, యేసుక్రీస్తు ప్రభువు, తనను ఎవరైనా వెంబడించాలంటే తల్లిదండ్రులను విడిచిపెట్టమని చెప్పినట్లుగా మనకు అనిపించొచ్చు.    కానీ, క్రీస్తు చెబుతున్న విషయం అది కాదు. క్రీస్తే స్వయాన తన తల్లిదండ్రులతో కలిసి ముప్పై సంవత్సరాలు వారికి లోబడి జీవించాడు (లూకా 2:51).    మార్కు 3:31-35లో, క్రీస్తు చెప్పదల్చుకున్న ప్రాముఖ్యమైన సంగతి ఏమిటంటే, ఎవరైతే దేవ...

మూడు రోజుల క్రితం నాకు విపరీతమైన కడుపు నొప్పి వచ్చింది. నేను డాక్టర్ అవ్వడం వలన, అది నా కిడ్నిలో గల రాళ్ల వలన వచ్చిందని కొంతవరకు నాకు అర్థమయ్యింది. వెంటనే కొన్ని ఇంజెక్షన్స్ తీసుకున్నాను. రెండు మూడు గంటల్లో  నొప్పి తగ్గింది.  మరుసటి రోజు CT SCAN చేయిస్తే ఒకవైపు మూత్రనాళంలో రాయి ఉందని తెలిసింది. 6-7mm పరిమాణం గల చిన్న రాయి నన్ను తీవ్రమైన నొప్పికి గురిచేసింది. ఆ సమయంలో ఒక చిన్న పిల్లాడిలా బెడ్ మీద అటు ఇటు దొర్లడం కూడా నాకు గుర్తుంది.   కడుపులో నొప్పి తగ్గగానే దేవుడు నా హృదయంలో పెట్టిన రెండు ఆలోచనలు ఏమిటంటే, ఒక చిన్న రాయి కలగజేసిన నొప్పికే నేను విలవిలలాడిపోయానే, ప్రభువైన క్రీస్తు ఆ సిలువలో నాకోసం ఎంతగా నొప్పిని భరించి ఉంటాడో కదా! నా పాప శిక్షను మోసిన క్రీస్తు అనుభవించిన నొప్పి వేదన ఎంత తీవ్రమైనదో కదా! అంతేకాదు, ఒక చిన్న రాయి నా శరీరంలో కలగజేసిన నొప్పికే నేను తట్టుకోలేకపోయాను. రక్షించబడకుండా నేను మరణిస్తే అగ్ని ఆరని పురుగు చావని నిత్య నరకంలో ఎప్పటికీ విపరీతమైన వేదన బాధతో ఉండిపోయేవాణ్ణి. నరకవేదన నుండి నన్ను తప్పించిన దేవుడు నా పట్ల చూపిన ప్రేమ ఎంత గొప్పదో కదా!  అందుకే కాబ...