క్రీస్తు కేంద్రిత కుటుంబం

 

నేటి రోజుల్లో చాలా మంది భార్యా భర్తలు

సరియైన వాక్యానుసారమైన అవగాహన

లేకపోవడం వల్ల,

తిట్టుకుంటూ, కొట్టుకుంటూ అంతే కాక

విడాకులు కూడా తీసుకొని, కుటుంబాలను

విచ్ఛిన్నం చేసుకుంటున్నారు.

ఇది సమాజానికి, ఆ కుటుంబంలో గల పిల్లలకి

మంచి పరిణామం కాదు.

భార్యా భర్తలు తమతమ బాధ్యతలు

చక్కగా నిర్వర్తించినప్పుడు ఆ కుటుంబం

స్థిరంగా నిలబడుతుంది.

ఎన్నో విషయాలు ఉన్నాయి కానీ,

నేను అబ్జర్వ్ చేసిన కొన్ని విషయాలు

ఇక్కడ ప్రస్తావించాలనుకుంటున్నాను.

I. భర్తలారా, మీ భార్యలను ప్రేమించండి (ఎఫెసీ 5:33)

ఏ విధంగా ప్రేమించగలం?

1. నీ భార్యతో ప్రత్యేక సమయం గడపడం.
అంటే, రోజువారీ పనుల్లో మాట్లాడే

మాటలు కాకుండా,

ఒక ప్రత్యేక సమయంలో తను ఎలా ఉంది,

తనకు ఏమైనా ఇబ్బందులు ఉన్నాయా,

తను ఏమైనా నీ నుండి ఆశిస్తుందా

అన్న ప్రశ్నలు వేస్తూ చర్చించుకోవాలి.

2. నీకు వీలైనప్పుడల్లా, కొన్నిసార్లు

వీలుచేసుకొని ఇంట్లో పనుల్లో

నీ భార్యకి సహాయం చేయడం.

3. భర్తగా, కుటుంబ పెద్దగా నువ్వు తీసుకునే

నిర్ణయాల్లో తన అభిప్రాయం కూడా తీసుకోవడం.

అంతిమ నిర్ణయం నీదే అయినా

నీ భార్య అభిప్రాయం తీసుకోవడం

ఆమెని ప్రేమించే అవకాశం పొందుకోవడమే.

4. ఆత్మీయ విషయాల్లో ఆమెను ప్రోత్సాహపర్చడం,

సంఘములో తను ఇతర చెల్లెళ్ళతో అక్కలతో

ప్రేమ సంబంధాలు పెంచుకునేలా,

వాళ్లకు మాదిరిగా ఉండేలా చూడడం.

5. ఆమె ఇంట్లో చేస్తున్న పనులు,బాధ్యతలను బట్టి

ఆమెను అభినందించడం, వెన్ను తట్టి ప్రశంసించడం.

6. తన ఆరోగ్య విషయంలో జాగ్రత్త

కలిగి యుండడం, తన లైంగిక అవసరాలు

కూడా తీర్చడం.

7. నీ భార్యను గురించి ఇతరుల

( ఫ్రెండ్స్&ఫ్యామిలీ మెంబెర్స్ ) మందు

చులకనగా మాట్లాడకపోవడం.


II. భార్యలారా, మీ భర్తలకు లోబడియుండుడి

( ఎఫెసీ 5:22,33)

లోబడియుండడం బలహీనత కాదు,

రెండవ తరగతి జీవితం కూడా కాదు.
లోబడుట దేవుని దృష్టిలో విధేయత.

ఎలా లోబడి ఉండగలం ?

1. నీ భర్తను గౌరవించడం.
బైట పని చేసి ఇంటికి రాగానే

ప్రేమగా పలకరించడం,

నీళ్ళిచ్చి, భోజనం పెట్టడం.
సాధ్యమైనంత వరకు ఇతరుల ముందు

పేరు పెట్టి పిలవకపోవడం.

2. మీ అభిప్రాయం చెబుతూనే,

భర్త నిర్ణయానికి సరే అని చెప్పడం.

3. నీ భర్తను గురించి ఇతరుల

( ఫ్రెండ్స్ & ఫ్యామిలీ మెంబెర్స్ ) ముందు

చులకనగా మాట్లాడకపోవడం.

4. నీ భర్త కష్టపడుతున్న విషయంలో

అప్పుడప్పుడూ ప్రశంసించడం,

అతన్ని ప్రోత్సహించడం.

5. నీ భర్త నీకు దేవుడు కాడు కానీ,

వాక్య ప్రమాణాలకు కట్టుబడి,నీ భర్తకు లోబడటం,

దేవునికి లోబడటమే అని అంగీకరించడం.
అలా అని, పాపం విషయంలో లోబడాల్సిన

అవసరం లేనే లేదు.

6. తన లైంగిక అవసరాలు తీర్చడం.
అలా అని అడ్డూ అదుపు లేని

అంచనాలకు లోబడక,

సున్నితంగా తిరస్కరించడం.

ఒక్క మాట గుర్తుంచుకోవాలి,
దేవుడు ఉద్దేశించిన ప్రకారం

కుటుంబం కట్టుకోవాలంటే,

దేవుని వాక్యానికి లోబడి
బ్రతకాల్సిందే.

- డా.శంకర్ బాబు