క్రైస్తవుడు, స్థానిక సంఘానికి అంటుకట్టబడి ఉండవలెనా ?

మొదటిగా నూతన నిబంధన, సంఘమును

గూర్చి ఏమి బోధిస్తుందో చూద్దాం.

సంఘమనగా,యేసుక్రీస్తు నందు
విశ్వాసం ద్వారా ,
రక్షించబడిన వ్యక్తుల సమూహం.

ఈ సంఘమును క్రీస్తు శరీరముగా బైబిల్
నిర్వచిస్తుంది.

యేసుక్రీస్తు ప్రభువు, నా సంఘమును నేను
కట్టెదను అనగా నా ప్రజలను నేను
కట్టెదను అని బోధించాడు.

ఆయన శిష్యులు అపోస్తలుల కార్యముల
అధ్యాయములో ఆదిమ సంఘస్థాపన
మరియు విస్తరణలో పాల్గొన్నారని
మనకు తెలిసిందే.

ఎక్కడెక్కడైతే సువార్త విత్తనం నాటబడిందో,
ఆ ప్రదేశాలలో దేవుడు తన శిష్యులతో
స్థానిక సంఘములను స్థాపించాడు.

ఉదాహరణకు, థెస్సలొనిక  పట్టణముకు పౌలు
వెళ్లి సువార్త బోధించిన పిదప(ఆపోస్త 17:1-3)
అక్కడ సంఘము ఆవిర్భవించింది.

పౌలు ఎఫెసీ పట్టణమునకు వచ్చి
(అపోస్త 19:1-7) అక్కడ గల
12 మంది పురుషులతో

సువార్త పంచుకొని ప్రార్థన చేసి వెళ్లిన తర్వాత
అక్కడ సంఘముగా విశ్వాసులు

కూడుకొనుట మొదలయింది.

ఆ పిదప పౌలు వివిధ ప్రదేశాలలో గల
“స్థానిక సంఘములకు” పత్రికలను

పరిశుద్ధాత్మ ప్రేరేపణతో వ్రాసి  వాటిని
మన ప్రోత్సాహం కొరకు

బైబిల్ గ్రంథంలో అందించాడు.

దేవుని ప్రణాళికలో  స్థానిక సంఘము
ప్రాధాన్యమైనదని నూతన నిబంధన గ్రంథం
మనకు తెలియజేస్తుంది.

విశ్వాసి బాధ్యత

యేసుక్రీస్తు ప్రభువు ప్రజలను వారి
పాపములనుండి రక్షించుటకు వచ్చెను.

ఈ రక్షించబడిన వ్యక్తులను తన శరీరములో
సభ్యులుగా ఆయన పరిగణిస్తున్నాడు

(1కొరింథీ 12:27).

సంఘము ఆయన శరీరమైనప్పుడు,
విశ్వాసి ఒక స్థానిక సంఘమునకు

అంటుకట్టిబడి యుండుట
ఆవశ్యకరమైయున్నది.

అంతే కాక, సంఘమును దేవుని ఇల్లు
మరియు కుటుంబముగా కూడా

బైబిల్ బోధిస్తుంది (ఎఫెసీ 2:19).

ఆయన ఇంటిలో రక్షించబడిన వ్యక్తులు
సభ్యులుగా మరియుదేవుని పిల్లలుగా
కొనసాగుతారు.
దేవుని పిల్లలమైన మనము ఆయన

కుటుంబానికి అంటుకట్టబడి యుండుట
తప్పనిసరియైయున్నది.

ఒక కుటుంబములో పుట్టిన బిడ్డ
మానసికముగా, శారీరకంగా ఎదగడానికి

కేవలం పాలు, భోజనం మాత్రమే సరిపోవు.

కుటుంబ సభ్యుల సహవాసం, సహాయం
మరియు ప్రోత్సాహం అవసరం.

అదేవిధంగా క్రీస్తులో జన్మించిన వ్యక్తి
ఆత్మీయ ఎదుగుదలకై సహాయం మరియు
ప్రోత్సాహం అవసరమే.

స్థానిక సంఘ సహవాసములో
ఆత్మీయ అభివృద్ధిని విశ్వాసి పొందుకోగలడు.

కొందరు, నేను రక్షించబడ్డాను,
ఏ స్థానిక సంఘమునకు వెళ్ళను
అని వాదిస్తుంటారు.

వాక్యం ఈ ప్రవర్తనను అంగీకరించదు.

రక్షించబడటం, క్రీస్తు సంఘములో సభ్యులవడం
విడదీయలేని మరియు

ఒకేసారి జరిగే ప్రక్రియ అని గమనించాలి.  

సార్వత్రిక సంఘము, స్థానిక సంఘముల
కలయికనే కదా.

మరికొందరు,ప్రతి ఆదివారం వివిధ సంఘాలకు,
కార్యక్రమాలకు హాజరవుతుంటారు కానీ
ఒక ప్రత్యేకమైన సంఘమునకు
అంటుకట్టబడి ఉండరు.

ఈ సంఘము సరిగా లేదు, అక్కడ ప్రజలు
ప్రేమించరు  అని సాకులు  చెబుతుంటారు.

ఇది కూడా ఆత్మీయ జీవితమునకు
మంచిది కాదు.

ఇంటిని వదిలి తిరిగే వారిని దేశదిమ్మరి
అన్నట్లుగా వీరిని ఆత్మీయ దిమ్మరులుగా
చెప్పొచ్చు.

ఈ ప్రపంచములో కొరత లేని సంపూర్ణమైన
సంఘము ఏదీ లేదు.

వాక్యానుసారమైన బోధ, ప్రేమ సహవాసం గల
సంఘమును గుర్తించి

ఆ సంఘమునకు అంటుకట్టబడి ఉండడం
మంచిది.
దేవుడు తన చిత్తములో తన సమయములో
సంఘమును నీకు ఆశీర్వాదకరముగా
వాడుకుంటాడు.

ఈ విషయం మరవద్దు : దేవుడు మనలను
ఇతర విశ్వాసులతో కలసి ఆరాధించుటకు,

కలసి సువార్త పనిచేయుటకు,
కలసి జీవించుటకు ఎన్నుకున్నాడు.

క్రీస్తు సంఘముకై మరణించాడు,
క్రీస్తు తన సంఘమును కడుతున్నాడు,

క్రీస్తు తిరిగి తన సంఘముకై తిరిగి
రాబోతున్నాడు.  

ఆ క్రీస్తు సంఘములో (స్థానికంగా)
సభ్యుడవకుండా

జీవించడం వాక్యానుసారమైనది కాదు.

ప్రతి వ్యక్తి ఒక స్థానిక సంఘముతో నిబంధన
చేసుకున్నప్పుడే దేవుడు సంఘములోని
సభ్యులద్వారా ఆ వ్యక్తిని
ఆత్మీయ జీవితములో
అభివృద్ధి చెందిస్తాడు.

దేవుడు సంఘమును తన ప్రశస్త రక్తముతో
విమోచించి దయచేసినాడు,

ఆ సంఘములో సభ్యుడిగా స్థానికంగా
దేవుని కొరకు బ్రతుకుటే

మన బాధ్యతయై యున్నది.