Skip to main content

నిలిచిపోయిన ట్రాఫిక్ - సార్వభౌముడైన దేవుడు

ఉదయం టిఫిన్ తినకుండానే డ్యూటీకి వెళ్ళాను. డ్యూటీ ముగించుకొని మధ్యాహ్నం ఇంటికి బయలుదేరాను. త్వరగా ఇంట్లో లంచ్ చేసి ఒక ఫ్యామిలీతో ముఖ్యమైన విషయాలు మాట్లాడాలి. 
ఇంకో 30 నిమిషాల్లో ఇంటికి చేరుకోవచ్చు కానీ, అకస్మాత్తుగా ఒక దగ్గర ట్రాఫిక్ ఆగిపోయింది. ఎందుకబ్బా అని ఆలోచిస్తే, ఆ రూట్లో తెలంగాణ ముఖ్యమంత్రి గారు కొన్ని కార్యక్రమాలలో పాల్గొనడానికి వచ్చారని బైట కనిపిస్తున్న ఫ్లెక్సీలు చూస్తే అప్పుడు తట్టింది. ఒక 10 నిమిషాల్లో అంతా క్లియర్ అయిపోతుంది అనుకున్నాను కానీ దాదాపు రెండు గంటలు అక్కడే ట్రాఫిక్ లో ఉండిపోయాను.

జాతీయ రహదారి కావడంతో కొన్ని వందల వాహనాలు, కొన్ని కిలోమీటర్ల మేర నిలిచిపోయాయి. ఏసీ వేసుకొని సీఎం గారు ఎక్కడున్నారు, ఆయన ప్రసంగం ఎప్పుడు ముగిస్తారు అని మధ్య మధ్యలో లైవ్ కవరేజ్ చూస్తూ ఉన్నాను. 
ఒక పక్క కోపం, మరో పక్క ఆకలి, ఆలస్యం అవుతుందని చికాకు. సీఎం గారి సభ నేనున్న ప్రదేశానికి దాదాపు 8-10 కిలోమీటర్లు. ఇక్కడి నుండే వాహనాలను ఆపేయడం ఏంటి? సామాన్య ప్రజల పరిస్తితి ఏమిటి ? ప్రాణాపాయ స్థితిలో ఉన్న వ్యక్తి ఆ ట్రాఫిక్ లో ఉంటే ఎలా? అని ఎన్నో ప్రశ్నలు. 

చాలా ఆలస్యం అవుతుందని సాయంత్రం వెళ్లాల్సిన ప్రోగ్రాం వాయిదా వేశాను. 
ఒక రెండు గంటల తర్వాత ఇంటికి వెళ్ళాను. లంచ్ చేస్తూ నా భార్యతో పైన వేసిన ప్రశ్నలు అడిగాను. 
నా చిరాకును చూసి "ఇలా జరుగుతుందని దేవుడికి తెలుసు కదా! వాళ్ళను ఎందుకు నిందిస్తున్నారు? మీరు ఆ స్థితిలో ఉంటారని దేవునికి తెలియదా? దేవునికి ఓపికనివ్వమని ప్రార్థన చేస్తున్నారా? " అని అడిగింది.
 
కరెక్టే కదా, అదంతా దేవునికి తెలుసు. 
ఆ స్థితిలో దేవుడు నాకు నేర్పించాల్సిన విషయం ఏదైనా ఉందంటే అది ఒపికనే.
నిజంగానే, గత వారాల్లో నేను దేవా నాకు ఓపిక (patience) ఇవ్వు అని ప్రార్థించాను.
ఆ ఓపిక నాకు దయచేయడానికి దేవుడు నా ఓపిక పరీక్షకు గురయ్యే పరిస్థితి నాకిచ్చాడు.

మూడు విషయాలు మళ్లీ గుర్తుకొచ్చాయి.

1. దేవుడు సార్వభౌముడు అని అనుకూల పరిస్థితుల్లో కేవలం బుర్రలో నమ్మితే సరిపోదు, ప్రతికూల పరిస్థితుల్లో సైతం నమ్మాలి.

2. మన సమస్య మన చుట్టూ గల ప్రతికూల పరిస్థితులు కాదు, మనమే అనే విషయం తెలుసుకోకపోతే ప్రతి రోజూ ఇతరుల్ని నిందించే అవకాశం ఉంటుంది.

3. ఏ లక్షణం గురించి ప్రార్తిస్థామో దేవుడు మనల్ని అదే లక్షణం పాటించడానికి ప్రతికూల పరిస్థితులల్లోకి మనల్ని తీసుకెళ్తాడు. 

దేవుడు అన్నీ తెలిసిన సర్వజ్ఞాని, అన్నిటి మీద అధికారం గల సర్వశక్తిమంతుడు, సార్వభౌముడు. 
కీర్తనల గ్రంథము 115:3 - మా దేవుడు ఆకాశమందున్నాడు తన కిచ్ఛవచ్చినట్లుగా సమస్తమును ఆయన చేయుచున్నాడు.

ఆయన పిల్లలుగా అన్ని పరిస్థితుల్లో ఆయన్ను స్తుతిస్తూ, ఆయన మీద ఆధారపడుతూ, ఆయన మహిమ కోసం జీవించుదుము గాక. 
ఆమేన్. 

డా.శంకర్ బాబు 



Comments

Post a Comment

Popular posts from this blog

సత్యం కోసం నిలిచిన చార్లీ కర్క్

అమెరికాలో ఇటీవల చోటుచేసుకున్న ఒక విషాద సంఘటన, అందరి హృదయాలను కలిచివేసింది. చార్లీ కర్క్ అనే యవ్వనస్తున్ని, ఆయనకన్నా చిన్న వయసున్న మరొక యువకుడు అందరి ముందు ఒక సమావేశంలో కాల్చి చంపాడు. చార్లీ కర్క్ ఒక క్రైస్తవుడు. దేవుని వాక్యాన్ని విశ్వసించి, ఆచరించి, దేవుని కోసం జీవించాడు. వివిధ యూనివర్సిటీల్లో యువతతో సమావేశమై, వారికి జీవిత పాఠాలను బోధించాడు. దేవుని సత్యాలను స్పష్టంగా తెలియజేశాడు. యువకులు అడిగే ప్రశ్నలకు సమాధానాలు ఇచ్చి, వారిని నిజమైన విశ్వాస మార్గంలో నడిపేందుకు కృషి చేశాడు. బైబిల్ వ్యతిరేకమైన సిద్ధాంతాలను, జీవన విధానాలను ధైర్యంగా ఖండించాడు. తన చిన్న వయసులోనే ఎంతోమంది అభిమానాన్ని గెలుచుకుని, యువతకు ఆదర్శంగా నిలిచాడు. కుటుంబ బాధ్యతలను నెరవేర్చుకుంటూనే సమాజంలో మార్పు కోసం శ్రమించాడు. అబార్షన్‌కు వ్యతిరేకంగా గళమెత్తాడు. LGBTQ ఉద్యమానికి వ్యతిరేకంగా నిలబడి, సత్యం కోసం తన స్వరాన్ని వినిపించాడు. కానీ, చార్లీ కర్క్ సత్యం బోధించడాన్ని సహించలేక ఒక యువకుడు ఆయనను కాల్చి చంపాడు. మన ప్రభువైన యేసుక్రీస్తు విషయంలో కూడా ఇదే జరిగింది. ఆయన సత్య సువార్తను ప్రకటించినందుకే సిలువపై మరణించాల్సి వచ్చింది. తనన...
1 comment
Read more

సంఘముతో నిబంధన

క్రైస్తవులు వివాహం చేసుకునే సమయంలో ఒకరితో ఒకరు ప్రమాణాలు చేస్తారు. బైబిల్లో ఈ విధంగా ప్రమాణాలు చేయాలని లేకపోయినప్పటికీ, వివాహం చాలా ప్రాముఖ్యమైనదని, ఇలా నిబంధన చేయడం ద్వారా దానిలోకి అడుగేయాలని సూచనగా ఈ ప్రమాణాలను క్రైస్తవులు చేస్తారు.  అయితే, క్రైస్తవులు రక్షించబడిన తర్వాత దేవుని కుటుంబమైన సంఘములో చేర్చబడటం, వివాహము కన్నా ప్రాముఖ్యమైనది. దేవుడు తన స్వరక్తమిచ్చి సంపాదించిన సంఘములో (అపోస్త 20:28) సభ్యులుగా ఉండడం ప్రతి క్రైస్తవుని బాధ్యతగా ఉంది. ఒక ప్రత్యేక సంఘానికి అంటుకట్టబడకుండా, సంఘానికి వేరుగా ఉండడం వాక్యానుసారమైన క్రైస్తవ్యం కాదు. అందుకే, సంఘములో చేర్చబడడం కూడా చాలా ప్రాముఖ్యమైన విషయం.  సరదాగా రెండు మూడు గంటల కార్యక్రమానికి వచ్చినట్టుగా సంఘానికి వచ్చే క్రైస్తవులు నేటి దినాల్లో చాలామంది ఉన్నారు. సంఘము పట్ల తీవ్రమైన ఆసక్తి, సంఘానికి నిబద్ధత కలిగి లేకపోతే క్రీస్తు సారూప్యంలో ఎదగడం కష్టమే. సంఘముతో నిబంధన చేసి, సంఘాన్ని ప్రేమిస్తూ, దేవుడు ఇచ్చిన వరాలను సంఘక్షేమాభివృద్ధికి ఉపయోగిస్తూ క్రీస్తు కొరకు జీవించే, క్రీస్తును ప్రకటించే క్రైస్తవులుగా ఉండటానికి మనం పిలవబడ్డాం. సం...
Post a Comment
Read more

Joy of parenting

  Apostle Paul, in his letter to the Galatians, wrote, “But the fruit of the Spirit is love, joy, peace, patience, kindness, goodness, faithfulness, gentleness, and self-control; against such things there is no law (Gal 5:22,23). A believer of Christ is called to bear the fruit of the Spirit, and one element in the fruit of the Spirit is joy. A follower of Christ is commanded to rejoice always (Phil 4:4). This joy of the Lord should be practiced in all areas of life.  One of the areas of practicing th is  Joy is in parenting. The writer of Proverbs says in Proverbs 23:24-25, “The father of the righteous will greatly rejoice; he who fathers a wise son will be glad in him. Let your father and mother be glad; let her who bore you rejoice”. Parenting our children is an outflow of how God parents us, because He is our heavenly Father. The Bible calls God the Father from whom all blessings flow to His children (James 1:17). Just as God delights when His children live by His sta...
Post a Comment
Read more