Bodhakudu

ఆదివారం సంఘంగా కూడుకున్నపుడు చేసే పరిచర్యలలో ఒక పరిచర్య, సంఘ కాపరి సంఘం కోసం చేసే ప్రార్థన.నెలలో ఒక ఆదివారం సంఘ ఆరాధన సమయంలో దాదాపు 10 నిమిషాల పాటు సంఘ కాపరిగా నేను మా సంఘం కొరకు ప్రార్థన చేస్తాను. యేసు క్రీస్తు ప్రభువు తన శిష్యుల కొరకు ప్రార్థన చేశాడు. అపోస్తలుడైన పౌలు సంఘాల కొరకు ప్రార్థన చేశాడు. సంఘ కాపరిగా సంఘము కొరకు ప్రార్థన చేయడం వాక్యానుసారమైన పరిచర్య. వారమంతా ప్రతి విశ్వాసుల ఆత్మీయ,భౌతిక విషయాల కోసం కాపరి ప్రార్థన చేయాలి అని నేను నమ్ముతాను, అలా ప్రార్థిస్తాను.అయితే ఆదివారం చేసే ఈ ప్రార్థన అందరి కొరకు ఒకేసారి ఆత్మీయ విషయాల కోసం ప్రార్థించడం. గత వారం మా ఆరాధన కార్యక్రమం అవ్వగానే ఒక సోదరి వచ్చి " అన్న, మీరు చేసిన ప్రార్థన నన్ను చాలా ప్రోత్సాహపరించింది. ముందు రోజు రాత్రి నాలో చెలరేగిన కలవరాన్ని పోగొట్టింది, థాంక్యూ " అని చెప్పింది.  దేవునికి స్తోత్రము. దేవుడు మన పరిచర్యలను చూస్తున్నాడు. సంఘ క్షేమాభివృద్ది కొరకు మనం చేసే ప్రతి పరిచర్యను దేవుడు వాడుకుంటాడు.అందుకే, సంఘంగా కలవడానికి వచ్చే ముందు " దేవా, ఈ రోజు నన్ను ఎవరికైనా ప్రోత్సాహకరంగా వాడుకో " అని ప...

  ప్రతి సోమవారం మా కుటుంబ ప్రార్థనలో ఆదివారం చెప్పబడిన ప్రసంగం గురించి చర్చ చేస్తాము.  ముఖ్యంగా మా పిల్లలకు ఆ విషయం చెప్పాము. అందువల్ల వారు చాలా శ్రద్ధగా ఆదివారం ప్రసంగం వింటున్నారు, పాయింట్స్ కూడా రాసుకుంటున్నారు.  ఈ వారం మా పెద్ద కూతురు దాదాపు మొత్తం ప్రసంగాన్ని తిరిగి అప్పజెప్పింది. నేను తన నోట్ బుక్ తీసుకొని చూసి ఆశ్చర్యపోయాను. చాలా చక్కగా ప్రసంగంలోని పాయింట్స్ రాసుకుంది.  మేము తనని అభినందించి తను అడిగిన కొన్ని ప్రశ్నలకు జవాబులు చెప్పాము.  తల్లిదండ్రులకు ప్రోత్సాహకరంగా ఉండాలని ఈ మాటలు పంచుకుంటున్నాను.  పిల్లలకి ఆదివారం ప్రసంగం శ్రద్ధగా వినాలని, నోట్స్ రాయమని చెప్పండి.  మిగతా ఆరు రోజులు స్కూల్లో చేసే పని కూడా అదే కదా. స్కూల్ చదువులు ముఖ్యమే కానీ, దేవుని వాక్యం ఇంకా ముఖ్యమని కూడా వారికి తెలియజేయాలి, నేర్పించాలి.  ఆ తర్వాత వారికి ఏమి అర్థం అయ్యిందో అడగండి. అర్థం కాకపొతే వివరించి చెప్పండి.  ఒకవేళ మీ పిల్లలు సండే స్కూల్ వెళ్లే చిన్న వయసులో ఉన్నా సరే, వారేం నేర్చుకున్నారో చెప్పమని అడగండి. తల్లిదండ్రులుగా మన ప్రాథమిక బాధ్యతని మరిచి మొత్తం భారం స...

ఈ సిద్ధాంతాన్ని కొందరు సంపూర్ణ పాపరహిత స్థితి అంటారు. కానీ ఇది వాక్యానుసారమైనది కాదు.  ఎందుకు కాదో ఈ మాటలు చదివితే మనకు అర్థమవుతుంది.  రక్షించబడిన తర్వాత మనలో ఇంకా పాపం ఎందుకుంది అంటే, పాపం యొక్క అధికారం నుండి మరియు అంతిమ ఫలితం అంటే నిత్య నరకం నుండి విడిపించబడ్డాం. మనం సంపూర్ణంగా పాపము యొక్క ఉనికి నుండి విడుదల చేయబడలేదు. పాపము మనల్ని శోధిస్తుంది, తన ఉచ్చులో పడేయాలని ప్రయత్నం చేస్తుంది. మనం మనలో గల పాప స్వభావం వలన ఆ శోధనకు ఆకర్షించబడి పాపం చేస్తాం.  ఇక్కడ శోధన బైటి నుండే రావొచ్చు కానీ అంతరంగంలో గల భోగేచ్ఛల వలన పాపం చేస్తాడు అని వాక్యం చెబుతుంది.  యాకోబు 1:14- ప్రతివాడును తన స్వకీయమైన దురాశచేత ఈడ్వబడి మరులు కొల్పబడిన వాడై శోధింపబడును.  యాకోబు 4:1 - మీలో యుద్ధములును పోరాటములును దేనినుండి కలుగుచున్నవి? మీ అవయవములలో పోరాడు మీ భోగేచ్ఛలనుండియే గదా?  యోహాను విశ్వాసులకు రాస్తూ 1 యోహాను 1:8 లో "మనము పాపములేనివారమని చెప్పుకొనిన యెడల, మనలను మనమే మోసపుచ్చుకొందుము; మరియు మనలో సత్య ముండదు" అంటాడు.    పేతురు నేను పరిశుద్ధుడను గనుక మీరును పరిశుద్ధులై ఉండుడి అనే మా...

మనం క్రీస్తుకే ప్రార్థన చేస్తే, మళ్ళీ క్రీస్తు నామంలో అనకుండా నీకే సమర్పిస్తున్నాను దేవా అనొచ్చు. కానీ, తండ్రికి ప్రార్థిస్తే యేసుక్రీస్తు నామంలో అని చెప్పడం మంచిది.  ఈ ప్రశ్నకు జవాబు తెలుసుకోవాలంటే ముందుగా ఈ క్రింది వచనాలను మనం చదువుదాం.  కొలస్సీ 3:17 - మరియు మాటచేత గాని క్రియచేత గాని, మీరేమి చేసినను ప్రభువైన యేసుద్వారా తండ్రియైన దేవునికి కృతజ్ఞతాస్తుతులు చెల్లించుచు, సమస్తమును ఆయన పేరట చేయుడి.  ఇక్కడ దేవుని వాక్యం మనం ఏమి చేసినా యేసుక్రీస్తు ద్వారా చేయమని చెబుతుంది.  ఇంకొక వచనం చూద్దాం.  యోహాను 14:13,14 - మీరు నా నామమున దేని నడుగుదురో తండ్రి కుమారుని యందు మహిమపరచబడుటకై దానిని చేతును.  నా నామమున మీరు నన్నేమి అడిగినను నేను చేతును.  యోహాను 16:23 -మీరు తండ్రిని నా పేరట ఏమి అడిగినను ఆయన మీకు అనుగ్రహించునని మీతో నిశ్చయముగా చెప్పుచున్నాను.  ఇక్కడ యేసు ప్రభువే నా నామములో తండ్రిని అడగండి అని చెబుతున్నారు.  ఇప్పుడు ఎందుకు యేసు నామములో ప్రార్థన చేయాలి ? అనే ప్రశ్నకు జవాబు తెలుసుకుందాం.  ఎందుకంటే, యేసుక్రీస్తు ప్రభువే మన పాపములు క్షమించడానికి నరావ...

రెండు రోజుల క్రితం డ్యూటీ నుండి ఇంటికి వస్తుంటే ఒక్కసారిగా అలసట, అంతరంగంలో నిరుత్సాహం, ఏదో బరువు నన్ను ఆవరించినట్టుగా అనిపించింది.  మెల్లిగా ప్రార్థన చేస్తూ ఎవరికైనా కాల్ చేసి మాట్లాడితే, ప్రార్థనా సహాయం కోరితే బాగుంటుంది అని అనిపించింది. నా స్నేహితునికి కాల్ చేశాను. నా పరిస్థితి చెబితే, తను కూడా అదే పరిస్థితిలో ఉన్నానని చెప్పడంతో ఇద్దరం ఒకరి కొరకు ఒకరం ప్రార్థన చేసాం.  ప్రార్థనలో " దేవా, మా చింతలను తొలగించి నీ మీద ఆధారపడి కొనసాగే కృపనిమ్మని అడిగాం".  తిరిగి ప్రభువిచ్చిన ప్రోత్సాహంతో రోజువారి కార్యక్రమాలు కొనసాగాయి.  అప్పుడే ఈ మాటలు రాశాను. నిరుత్సాహం ఆవరించినపుడు  నిరాశ దాడిచేస్తున్నపుడు  నిమ్మళం లేని మనసు  నిస్సహాయ స్థితిలో ఉన్నపుడు  నిజ దేవుడైన నిత్యుడైన  యేసే నా ఆశ్రయం  మోయలేని భారం మోస్తున్నపుడు  మానలేని గాయాలు బాధిస్తున్నపుడు  మనుజావతారునిగా  మహిని విడిచి వచ్చిన  మహా దేవుడైన యేసే నా ఆశ్రయం  నా దాగు చోటు ఆయనే  నా మంచి కాపరి ఆయనే  నెమ్మదిచ్చేది ఆయనే  తన సన్నిధిలో  శాంతినిచ్చేది ఆయనే  ...

గత వారం ముంబైలో జరిగిన ఒక క్రైస్తవ కాన్ఫరెన్స్ కి తెలుగు రాష్ట్రాలనుండి దాదాపు 100కి పైగా పాస్టర్లు, సంఘములో బోధకులు, పరిచర్యలో వాడబడుతున్న వారు హాజరవడం జరిగింది.  మాకు తెలిసిన బ్రదర్స్ తో కలిసి మేము ట్రైన్లో వెళ్ళాము. వెళ్తున్నపుడు వచ్చేటపుడు మాతో పాటు ఉన్న సహోదరులు చేసిన ఒక పని నన్ను బాగా ఆకట్టుకుంది. అదేమిటంటే వారందరూ యేసుక్రీస్తును విశ్వసించకముందు వారి జీవితం, సువార్త ఎలా విన్నారు, ఎలా దేవుడు రక్షించాడు అని ఒకరితర్వాత ఒకరు పంచుకోవడం.  వీరందరూ వివిధ సంఘాలకు చెందినవారు, వివిధ వయసుల్లో ఉన్నవారు, వివిధ ప్రదేశాలనుండి వచ్చినవారు కానీ, ఒకే దేవుడు చేసిన రక్షణ కార్యాన్ని పరస్పర ప్రోత్సాహం కొరకు పంచుకోవడం నాకు చాలా సంతోషాన్ని కలిగించింది.  ఊరికే పిచ్చాపాటి మాటలు మాట్లాడకుండా, క్రీస్తులో క్షేమాభివృద్ధి కలిగించే మాటలు వారి ప్రయాణంలో, సహవాస సమయంలో వారు కలిగియుండడం నేను గమనించాను.  ఇతర విశ్వాసులతో మనం సమయం గడిపేటపుడు ఏం మాట్లాడుతున్నాం? పరస్పర క్షేమాభివృద్ధి కలగజేయడానికి ఎటువంటి ప్రయత్నం చేస్తున్నాం ?  ఒకసారి పరీక్షించుకుందాం.  ప్రియ క్రైస్తవ సోదర సోదరీమణులారా, ప్రభు...