Skip to main content

స్తుతి ప్రార్థన చేయడం ఎలా?

 


క్రైస్తవ జీవితంలో ప్రాముఖ్యమైన క్రమశిక్షణ ప్రార్థన. ప్రార్థన సాధారణంగా మూడు రకాలుగా చేస్తాము. దేవుని గుణ లక్షణాలను ఎత్తి పడుతూ కీర్తించే స్తుతి ప్రార్థన, ఆయన చేసిన కార్యాలకు కృతఙ్ఞతలు చెల్లించే కృతజ్ఞత ప్రార్ధన, మన కొరకు ఇతరుల అవసరతల కొరకు చేసే విజ్ఞాపన ప్రార్థన. మొదటి రెండు ప్రార్థనలు చాలా ఎక్కువగా చేసే ప్రార్థనలు. అయితే, దేవుడు ఏమైయున్నాడో ఆయన గుణ లక్షణాలు ప్రస్తావిస్తూ, ఆయన కార్యాలను కొనియాడుతూ స్తుతించే ప్రార్థనలు మనం అలవాటు చేసుకోవాలి. ఆయన్ను ఆరాధించాలంటే ఆయన గుణలక్షణాలను మనం ఎత్తిపడుతూ ఆరాధించాలి. 

ఉదాహరణకు, 135 వ కీర్తన నుండి నేను రాసుకున్న స్తుతి ప్రార్థన ఇక్కడ నేను పోస్ట్ చేస్తున్నాను. ఎక్కడా కూడా దేవా నాకు ఇది దయచేయి అనే విజ్ఞాపన చేయకుండా కేవలం ఆయన లక్షణాలు కార్యాలను బట్టి స్తుతించే ప్రయత్నం చేశాను. 

 

కీర్తన 135

 

దేవా నిన్ను నేను స్తుతిస్తున్నాను నీ గొప్ప నామమును ఆరాధిస్తున్నాను. నీ నామము అన్ని నామముల కన్నా గొప్పది.

దేవా నీవు దయాలుడవు, నీ నామమును కీర్తిస్తున్నాను. 

నీకొరకు యాకోబును, ఇశ్రాయేలును ఏర్పరుచుకున్న ప్రేమగల దేవుడవు, నిన్ను స్తుతిస్తున్నాను. 

దేవా నీవు గొప్పవాడవు, దేవుళ్లు దేవతలు అని పిలవబడుతున్న వారి కంటే మహా గొప్పవాడవు. నీ గొప్పతనం నీవు చేసిన ఆకాశం, భూమి సముద్రంలో నేను చూస్తున్నాను. సృష్టిని చేసి సృష్టిలో నీకిష్టమైనది జరిగించే సార్వభౌముడవైన దేవుడు నీవే, నిన్ను స్తుతిస్తున్నాను ప్రభువా. 

నీవు మహాశక్తి గల వాడవు, బలిష్టులైన రాజులను సైతం నశింపజేసిన దేవుడవు. నీకు సాటియైన వారు ఎవరూ లేరు ప్రభువా.

నీ నామం నిత్యమూ నిలిచియుండే నామము, ఎందుకుంటే నీవు నిత్యుడవైన దేవుడవు. తరతరములు నీ నామము కొనియాడబడును గాక. 

నీవు మనుష్యుల చేత చేయబడినవాడవు కావు, మనుష్యులను చేసిన సృష్టికర్తవు. నీవు చూసే దేవుడవు, మాట్లాడే దేవుడవు, నా మాటలు వినే దేవుడవు. నా దేవా నిన్ను నేను స్తుతిస్తున్నాను. నీయందు నమ్మిక యంచిన నేను నిన్ను ఆరాధిస్తున్నాను. క్రీస్తుద్వారా నన్ను విమోచించిన నా దేవా నీకే మహిమ ఘనతలను ఆపాదిస్తూ ఈ స్తుతి క్రీస్తుద్వారా మీకే సమర్పిస్తున్నాను దేవా! ఆమెన్. 

 

దేవుణ్ణి వాక్యానుసారంగా స్తుతించే ఆరాధించే ఆరాధికులుగా ఉండడానికి ప్రయత్నం చేద్దాం. 

 

డా. శంకర్ బాబు

Comments

Post a Comment

Popular posts from this blog

సత్యం కోసం నిలిచిన చార్లీ కర్క్

అమెరికాలో ఇటీవల చోటుచేసుకున్న ఒక విషాద సంఘటన, అందరి హృదయాలను కలిచివేసింది. చార్లీ కర్క్ అనే యవ్వనస్తున్ని, ఆయనకన్నా చిన్న వయసున్న మరొక యువకుడు అందరి ముందు ఒక సమావేశంలో కాల్చి చంపాడు. చార్లీ కర్క్ ఒక క్రైస్తవుడు. దేవుని వాక్యాన్ని విశ్వసించి, ఆచరించి, దేవుని కోసం జీవించాడు. వివిధ యూనివర్సిటీల్లో యువతతో సమావేశమై, వారికి జీవిత పాఠాలను బోధించాడు. దేవుని సత్యాలను స్పష్టంగా తెలియజేశాడు. యువకులు అడిగే ప్రశ్నలకు సమాధానాలు ఇచ్చి, వారిని నిజమైన విశ్వాస మార్గంలో నడిపేందుకు కృషి చేశాడు. బైబిల్ వ్యతిరేకమైన సిద్ధాంతాలను, జీవన విధానాలను ధైర్యంగా ఖండించాడు. తన చిన్న వయసులోనే ఎంతోమంది అభిమానాన్ని గెలుచుకుని, యువతకు ఆదర్శంగా నిలిచాడు. కుటుంబ బాధ్యతలను నెరవేర్చుకుంటూనే సమాజంలో మార్పు కోసం శ్రమించాడు. అబార్షన్‌కు వ్యతిరేకంగా గళమెత్తాడు. LGBTQ ఉద్యమానికి వ్యతిరేకంగా నిలబడి, సత్యం కోసం తన స్వరాన్ని వినిపించాడు. కానీ, చార్లీ కర్క్ సత్యం బోధించడాన్ని సహించలేక ఒక యువకుడు ఆయనను కాల్చి చంపాడు. మన ప్రభువైన యేసుక్రీస్తు విషయంలో కూడా ఇదే జరిగింది. ఆయన సత్య సువార్తను ప్రకటించినందుకే సిలువపై మరణించాల్సి వచ్చింది. తనన...
1 comment
Read more

సంఘముతో నిబంధన

క్రైస్తవులు వివాహం చేసుకునే సమయంలో ఒకరితో ఒకరు ప్రమాణాలు చేస్తారు. బైబిల్లో ఈ విధంగా ప్రమాణాలు చేయాలని లేకపోయినప్పటికీ, వివాహం చాలా ప్రాముఖ్యమైనదని, ఇలా నిబంధన చేయడం ద్వారా దానిలోకి అడుగేయాలని సూచనగా ఈ ప్రమాణాలను క్రైస్తవులు చేస్తారు.  అయితే, క్రైస్తవులు రక్షించబడిన తర్వాత దేవుని కుటుంబమైన సంఘములో చేర్చబడటం, వివాహము కన్నా ప్రాముఖ్యమైనది. దేవుడు తన స్వరక్తమిచ్చి సంపాదించిన సంఘములో (అపోస్త 20:28) సభ్యులుగా ఉండడం ప్రతి క్రైస్తవుని బాధ్యతగా ఉంది. ఒక ప్రత్యేక సంఘానికి అంటుకట్టబడకుండా, సంఘానికి వేరుగా ఉండడం వాక్యానుసారమైన క్రైస్తవ్యం కాదు. అందుకే, సంఘములో చేర్చబడడం కూడా చాలా ప్రాముఖ్యమైన విషయం.  సరదాగా రెండు మూడు గంటల కార్యక్రమానికి వచ్చినట్టుగా సంఘానికి వచ్చే క్రైస్తవులు నేటి దినాల్లో చాలామంది ఉన్నారు. సంఘము పట్ల తీవ్రమైన ఆసక్తి, సంఘానికి నిబద్ధత కలిగి లేకపోతే క్రీస్తు సారూప్యంలో ఎదగడం కష్టమే. సంఘముతో నిబంధన చేసి, సంఘాన్ని ప్రేమిస్తూ, దేవుడు ఇచ్చిన వరాలను సంఘక్షేమాభివృద్ధికి ఉపయోగిస్తూ క్రీస్తు కొరకు జీవించే, క్రీస్తును ప్రకటించే క్రైస్తవులుగా ఉండటానికి మనం పిలవబడ్డాం. సం...
Post a Comment
Read more

Joy of parenting

  Apostle Paul, in his letter to the Galatians, wrote, “But the fruit of the Spirit is love, joy, peace, patience, kindness, goodness, faithfulness, gentleness, and self-control; against such things there is no law (Gal 5:22,23). A believer of Christ is called to bear the fruit of the Spirit, and one element in the fruit of the Spirit is joy. A follower of Christ is commanded to rejoice always (Phil 4:4). This joy of the Lord should be practiced in all areas of life.  One of the areas of practicing th is  Joy is in parenting. The writer of Proverbs says in Proverbs 23:24-25, “The father of the righteous will greatly rejoice; he who fathers a wise son will be glad in him. Let your father and mother be glad; let her who bore you rejoice”. Parenting our children is an outflow of how God parents us, because He is our heavenly Father. The Bible calls God the Father from whom all blessings flow to His children (James 1:17). Just as God delights when His children live by His sta...
Post a Comment
Read more