Bodhakudu

  ఈ రోజు నా బైబిల్ రీడింగ్ ప్లాన్ ప్రకారం ఆదికాండం 27 వ అధ్యాయం చదువుతున్నాను. ఈ అధ్యాయంలో మనందరికీ తెలిసిన ఒక యదార్థ సంఘటన నుండి నాకు కలిగిన ఆలోచనలు మీతో పంచుకుంటున్నాను.   పాపం ఎంత తీవ్రమైనదో ,  అది ఎటువంటి ఫలితాలను తీసుకువస్తుందో మనం గ్రహించడానికి ఈ మాటలు ఉపయోగపడతాయని అనుకుంటున్నాను.      ఆది  27:18,19 -  యాకోబు తన తండ్రి వద్దకు వచ్చి - నా తండ్రి అని పిలువగా ,  అతడు - ఏమి నా కుమారుడా నీవెవరివి అని అడిగెను. అందుకు యాకోబు - నేను ఏశావు అను నీ పెద్ద కుమారుడను  ఇది మొదటి తప్పు. తన తల్లి చేయమన్నట్లుగా చేయడం వలన ఇప్పుడు తప్పులు చేయడం ప్రారంభించాడు.  కొన్నిసార్లు ,  దేవుడు చేయమన్నది చేయకుండా ,  లోకం చేయమన్నది చేసినప్పుడు మనం కూడా ఇలాగే తప్పులు లేదా పాపం చేసే అవకాశం ఉన్నది. 27:20 -  అప్పుడు ఇస్సాకు నా కుమారుడా ,  ఇంత శీఘ్రముగా అది నీ కెట్లు దొరికెనని అడుగగా ,  అతడునీ దేవుడైన యెహోవా నా యెదుటికి దాని రప్పించుటచేతనే అని చెప్పెను.  రెండవ తప్పు. చేసిన తప్పు కప్పి పుచ్చుకోవాలంటే మరొక తప్పు చేయడం ఇక్కడ మనం చూడగలం....

  శరీరానికి వ్యాయామం చాలా అవసరం. ఆరోగ్యంగా ఉండాలంటే రోజూ కొద్దిసేపు వ్యాయామం చేయాల్సిందే. మన శరీరంలో గుట్టగా పేరుకుపోయిన కొవ్వు తగ్గాలంటే కూడా వ్యాయామం తప్పనిసరి. దానిలో భాగంగా నేను కూడా జిమ్ కి వెళ్లడం ప్రారంభించాను. అక్కడ ట్రెడ్మిల్ మీద నడవడం మొదలుపెట్టాను. ప్రారంభంలో 5-7 నిమిషాలకే అలసిపోయే వాణ్ని. కానీ, రోజూ మెల్లిగా ఆ సమయం పెంచుతూ వచ్చాను. 7 నుండి 10 నిమిషాలు, ఆ తరువాత 15 నిమిషాలు, ఆ తరువాత 20 నిమిషాలకు చేరుకున్నాను. ఇక్కడ నాకో విషయం అర్థం అయింది. చాలా సార్లు మనం ఒకేసారి అన్ని పనులు చేసేద్దాం అనుకుంటాము. కానీ, చేయలేకపోతాం. ఎందుకంటే, ఒకే సారి ఆ పని చేసేద్దాం అనుకోవడం. ఎంత పెద్ద భవనం అయినా ప్రతి రోజూ,ఒకదానిపై ఒక ఇటుక పేర్చి కడితేనే సాధ్యమవుతుంది. కొంచెం కొంచెంగా కూడబెడితేనే రేపు అవసరానికి డబ్బు ఉపయోగపడుతుంది.  రాత్రికి రాత్రి ఏ మార్పు జరగదు.  ఈ సంగతి మనకు తెలియంది కాదు.  అదేవిధంగా, క్రమశిక్షణగా ప్రతి రోజూ పని చేస్తేనే ఏ పనైనా సులభమవుతుంది, సంపూర్ణం అవుతుంది. బైబిల్ మొత్తం చదివేసేయాలి అనుకుంటున్నారా? రోజూ 2-3 అధ్యాయాలు చదవండి. గంట సేపు ప్రార్థన చేయాలని అనుకుంటున్నార...

హైదరాబాద్ నుండి దాదాపు 280 కిలోమీటర్ల దూరంలో గల ఒక పట్టణానికి నేను యవ్వనస్తుల మీటింగ్లో మాట్లాడడానికి వెళ్ళాను. మధ్యాహ్నం సెషన్లో పోర్నోగ్రఫీ మీద మాట్లాడి యవ్వనస్తులను ఈ వ్యసనం నుండి బైటికి రావడానికి దేవుని వాక్యం నుండి ప్రోత్సహించాను. ఆ తర్వాత సాయంత్రం క్రీస్తు ద్వారా మాత్రమే రక్షణ, క్రీస్తు సంఘముకు అంటుకట్టబడిబడి, సంఘమును ప్రేమించుట అనే సంగతుల మీద బోధించాను.  మీటింగ్ అయిపోయాక భోజనం చేయడానికి వెళ్తుంటే పై ఫోటోలో ఉన్న చిన్న పిల్లాడు నా దగ్గరికి వచ్చాడు. సార్, నా గురించి ప్రార్థన చేయండి అన్నాడు. సాధారణంగా ఆ వయసులో ఉన్న పిల్లలు నా కోసం ప్రార్థన చేయండి అని అడగరు. ఒకవేళ అడిగినా, ఎవరైనా కుటుంబ సభ్యులు అనారోగ్యంగా ఉంటే వారి కొరకు ప్రార్థన చేయమంటారు. కానీ, ఈ 13సంవత్సరాల పిల్లాడు అడిగిన ప్రార్ధనా విన్నపం నన్ను ఆశ్చర్యానికి గురిచేసింది. అదేమిటంటే, సార్ నేను దేవున్ని తెలుసుకోడానికి, దేవునిలో ఎదగడానికి ప్రార్థన చేయండి అని అడగడం.  నేను ఆ పిల్లాడిని దగ్గరికి తీసుకొని, కౌగిలించుకొని, అభినందించి ప్రార్థన చేశాను. నాకు ఒక్కసారిగా సొలోమోను  జ్ఞానం కొరకు దేవుణ్ణి అడిగిన వాక్య భాగం గుర్తుకొచ...